Киви сулуулук жемиши

Айымдар сулуу болуш үчун жүзүнө кам көрө билиш керек. Жок эле дегенде аптасына бир ирет витаминдүү маскаларды жасап турган жакшы. Ал үчүн киви сизге жардамга келет. Жашартуучу маска Ал үчүн эки кашык эзилген кивиге, бир аш кашык эзилген алманы жана ага бир аш кашык каймак кошуп аралаштырасыз. Даяр болгон аралашманы бетиңизге сүйкөп, жыйырма мүнөттөн кийин жылуу суу менен жууп салуу керек. Бетти агартуучу маска Ал үчүн дагы эки кашык эзилген кивиге, бир чай кашык картошканын крахмалын жана жарым чай кашык лимондун согун кошуп аралаштырасыз. Даяр болгон аралашманы бетиңизге он мүнөт коюп, андан соң жылуу суу менен жууп салуу кажет.