Пигменттик тактар эмнеден улам пайда болот?

Пигменттик тактар кээ бир клеткалар мелонинди мурункуга караганда көп бөлүп чыгара баштаганда пайда болот. Белгилери: Сепкилден айырмаланып алар чоң жана күтүүсүз жерден чыга баштайт. Бирдей формада болбойт. Алар эч кандай коркунуч жаратпайт. Бирок организмде кээ бир өзгөрүүлөр болуп жатканынан кабар берет.

Күнгө күйүү: Жайында көп күн алдына жатып күйгөндө меланоцит клеткалары кээ бир жерде адаттан көп меланин бөлүп чыгарат. Теринин жаракат алуусу: Тытылып, күйүк жана башкалар. Организм жаракат болгон жерди күндүн нурларынан меланиндин жардамы менен активдүү коргойт, андан улам ал жер карарып баштайт. Гормондор: Кош бойлуулук, баланы болтурбоочу дары-дарымектерди кабыл алуу, эндокриндик оорулар гормоналдык тең салмактуулукту бузуп, кээде пигметтик тактарды пайда кылат. Жаш курак: Жаш улгайган сайын тери жукарат, меланин клеткалары теринин өйдөнкү катмарында болуп калат да, көзгө көрүнө баштайт. Дары ичүү: Тетрациклин турүнө кирген антибиотиктер, ретиноид жана химиятеропия препараттары да пайда кылат. Органдардын оорусу: Боор, өт жана башка ашказан ооруларынан улам тактар чыгышы мүмкүн. Эскертүү! Пигменттик тактарды эмнеден улам чыгып жатканын аныктабастан дарылабаңыз! Кантип арылса болот? Терини калың кылыш үчүн: жакшылап нымдаштырып, көбүрөөк суу ичиңиз. Жок кылыш үчүн дерматолог-дарыгерге кайрылыңыз. Агартуучу маскалар: Лимон жана бал Жаңы сыгылган лимон ширесине (1:1) бирдей өлчөмдө бал кошуңуз. Бетке сүйкөп, 20 мүнөттөн кийин жууп таштаңыз. Кефир маскасы Кефирди пигменттик так болгон жерге сүйкөңүз. 15-20 мүнөт кармап туруңуз. Бир нече тамчы лимон кошулган суу менен жууңуз. Эскертүү! Кечкисин масканы жасаган жакшы натыйжа берет. 20-мүнөттөн ашырбаңыз. Пигменттик тактар бар гана жерлерге сүйкөңүз. Аягында азыктандыруучу крем колдонуңуз.